احمد دانیال کا ڈیبیو: پاکستان کے نئے فاسٹ بولر نے بنگلہ دیش کے خلاف چمک دکھا دی-

 

منگل، 22 جولائی کو شیرِ بنگلہ اسٹیڈیم، میرپور میں پاکستان اور بنگلہ دیش کے درمیان دوسرا ٹی ٹوئنٹی کھیلا گیا۔ یہ میچ مہمان ٹیم کے لیے "ڈو اور ڈائی" کی حیثیت رکھتا تھا، اور ٹیم میں صرف ایک تبدیلی کی گئی — احمد دانیال کو ابرا احمد کی جگہ شامل کیا گیا۔ یہ میچ احمد دانیال کے لیے بھی خاص تھا کیونکہ انہوں نے اسی مقابلے میں اپنا بین الاقوامی ڈیبیو کیا۔

28 سالہ احمد دانیال کا تعلق لاہور سے ہے اور وہ 2021 میں پاکستان سپر لیگ میں لاہور قلندرز کی نمائندگی کرتے ہوئے منظرِ عام پر آئے۔ ان کی تیز رفتار گیند بازی نے نہ صرف پاکستانی شائقین کو متاثر کیا بلکہ بین الاقوامی ماہرین نے بھی سراہا، جس کی بدولت انہیں آسٹریلیا کی بگ بیش لیگ میں میلبرن رینیگیڈز کی نمائندگی کا موقع ملا۔ اگرچہ وہ کچھ عرصے سے مختلف لیگز میں کھیل رہے تھے، لیکن قومی ٹیم میں شمولیت انہیں اب جا کر نصیب ہوئی۔

احمد دانیال کو میچ سے قبل ٹیم منیجر نوید اکرم چیمہ نے ٹی ٹوئنٹی کیپ دی، اور وہ پاکستان کے 123ویں ٹی ٹوئنٹی کھلاڑی بن گئے۔ انہوں نے پہلے ہی اوور میں 146 کلومیٹر فی گھنٹہ کی رفتار سے گیند کر کے سب کو حیران کر دیا اور اسی اوور میں وکٹ بھی حاصل کی۔ اب تک وہ 20 ٹی ٹوئنٹی میچوں میں 19 وکٹیں حاصل کر چکے ہیں، اور ان کی کارکردگی نے شائقین کو مستقبل کی ایک نئی امید دے دی ہے۔ اس وقت بنگلہ دیش 7.4 اوورز میں 38 رنز پر 4 کھلاڑیوں سے محروم ہے، اور پاکستان مضبوط پوزیشن میں ہے۔